Ferill 83. máls. Aðrar útgáfur af skjalinu: Word Perfect.
1990–91. – 1060 ár frá stofnun Alþingis.
113. löggjafarþing. – 83 . mál.
Ed.
810. Breytingartillögur
við frv. til l. um breyting á lögum um fangelsi og fangavist, nr. 48 frá 19. maí 1988.
Frá Danfríði Skarphéðinsdóttur, Salome Þorkelsdóttur og Eyjólfi Konráð Jónssyni.
25. gr. laganna breytist þannig:
Forstöðumaður fangelsis tekur ákvörðun samkvæmt grein þessari. Ákvörðun hans er háð samþykki Fangelsismálastofnunar. Ákvarðanir samkvæmt grein þessari skal bóka, tilgreina ástæður og birta fanga í viðurvist vitnis. Ákvörðun um einangrun sætir kæru til dómsmálaráðuneytisins og skal skýra fanga frá því um leið og ákvörðun er birt. Þegar ákvörðun er kærð skal Fangelsismálastofnun senda ráðuneytinu gögn málsins. Ráðuneytið skal taka ákvörðun innan tveggja sólarhringa frá því að kæra barst.
26. gr. laganna breytist þannig:
Forstöðumaður fangelsis ákveður agaviðurlög samkvæmt grein þessari. Áður en hann tekur ákvörðun skal hann ganga úr skugga um hvernig broti var háttað með því að yfirheyra fangann og með annarri rannsókn eftir aðstæðum. Ákvörðun forstöðumanns er háð samþykki Fangelsismálastofnunar. Ákvarðanir um agaviðurlög skulu bókaðar og birtar fanga í viðurvist vitnis. Ákvörðun um agaviðurlög sætir kæru til dómsmálaráðuneytisins og skal skýra fanga frá því um leið og ákvörðun er birt. Þegar ákvörðun er kærð skal Fangelsismálastofnun þegar senda ráðuneytinu gögn málsins. Ráðuneytið skal taka ákvörðun innan tveggja sólarhringa frá því að kæra barst.