Ferill 459. máls. Aðrar útgáfur af skjalinu: Word Perfect.
1990–91. – 1060 ár frá stofnun Alþingis.
113. löggjafarþing. – 459 . mál.
Ed.
881. Frumvarp til laga
um breyting á þjóðminjalögum, nr. 88/1989.
Frá menntamálanefnd.
1. gr.
Í stað orðanna „deildarstjóri fornleifadeildar“ í síðasta málslið 2. mgr. 3. gr. laganna og „deildarstjóra fornleifadeildar“ í síðasta málslið 5. mgr. sömu greinar komi (í viðeigandi beygingarföllum): fornminjavörður.2. gr.
Eftirfarandi breytingar verði á 5. gr. laganna:3. gr.
Í stað orðanna „Fornleifadeild lætur, eftir föngum,“ í upphafi 1. mgr. 17. gr. laganna komi: Fornminjavörður lætur.4. gr.
Í stað orðsins „Fornleifadeild“ í upphafi síðari málsliðar 19. gr. laganna komi: Fornminjavörður.5. gr.
4. málsl. 22. gr. laganna orðist svo: Rannsóknir útlendinga skulu vera undir yfirumsjón fornminjavarðar og fornleifafræðings viðkomandi svæðis.6. gr.
Í stað orðanna „Fornleifadeild eða“ í upphafi 23. gr. laganna komi: Fornminjavörður og.Greinargerð.
Frumvarpið er flutt að ósk formanns þjóðminjaráðs. Því fylgdi svohljóðandi greinargerð:
„Með breytingum þeim, sem hér er lagt til að gerðar verði á þjóðminjalögum, er miðað við að í stað starfsheitisins „deildarstjóri fornleifadeildar“ komi hið forna starfsheiti fornminjavörður og sé hann ráðinn til fimm ára í senn. Starfssvið hans er hið sama og deildarstjóra fornleifadeildar í núgildandi lögum. Starfsemi fornminjavörslu er afar viðamikil og ljóst að eðlilegra er að tala um fornleifasvið Þjóðminjasafns en fornleifadeild sem geti, er fram líða stundir, skipst í deildir. Einnig tekur starfssvið fornminjavarðar til landsins í heild samkvæmt frumvarpinu. Þá er áfram lagt til að ráðið sé til starfsins tímabundið. Ekki er efnislega um aðrar breytingar að ræða í frumvarpi þessu.“
Einstakir nefndarmenn áskilja sér rétt til að flytja eða fylgja breytingartillögum er fram kunna að koma við frumvarp þetta.
