Ferill 164. máls. Aðrar útgáfur af skjalinu: Word Perfect.
1993. – 1063 ár frá stofnun Alþingis.
117. löggjafarþing. – 164 . mál.
182. Fyrirspurn
til félagsmálaráðherra um verkefni reynslusveitarfélaga.
Frá Kristni H. Gunnarssyni.
Hvers vegna eru málefni fatlaðra, rekstur heilsugæslustöðva og öldrunarþjónusta meðal þeirra verkefna sem fela á svonefndum reynslusveitarfélögum þegar fyrir liggur sú ákvörðun ríkisstjórnarinnar að þessi sömu verkefni eiga að færast til sveitarfélaga sem fyrst eða á næstu tveimur til þremur árum?
Greinargerð.
Fyrir liggur sú afstaða að sveitarfélögin séu ekki fær um að taka við ofangreindum verkefnum að óbreyttu og samþykkt ríkisstjórnarinnar byggist á því að úrslit kosninganna 20. nóvember nk. feli í sér „eflingu sveitarstjórnarstigsins og stækkun sveitarfélaga“.
Eftir þessa stefnumörkun ríkisstjórnarinnar verður vart séð að ástæða sé til þess að fela fáeinum sveitarfélögum umrædd verkefni um fjögurra ára skeið, 1995–98, í tilraunaskyni.
Skriflegt svar óskast.