Ferill 83. máls. Aðrar útgáfur af skjalinu: Word Perfect.
1993. – 1063 ár frá stofnun Alþingis.
117. löggjafarþing. –
83
. mál.
312. Breytingartillögur
við frv. til l. um almannatryggingar.
Frá heilbrigðis- og trygginganefnd.
Við 7. gr. Í stað orðanna „fjórum mánuðum“ í 2. málsl. 1. mgr. komi: þremur mánuðum, og í stað orðanna „fjögurra mánaða“ í 3. málsl. 1. mgr. komi: þriggja mánaða.
Við 12. gr. Í stað orðanna „eitt ár“ í a-lið 1. mgr. komi: sex mánuði.
Við 16. gr. Í stað orðanna „lögheimili eiga á Íslandi“ í 1. málsl. a-liðar komi: átt hafa lögheimili hér á landi síðustu 12 mánuði fyrir fæðinguna.
Við 30. gr. Í stað „128.924“ í 1. málsl. 2. mgr. komi: 270.281.
Við 32. gr.
1. málsl. 1. mgr. orðist svo: Sá sem átt hefur lögheimili í landinu í sex mánuði, sbr. 1. gr. laga um lögheimili, nr. 21/1990, og 1. mgr. 5. gr. laga um tilkynningar aðsetursskipta, nr. 73/1952, með síðari breytingu, telst sjúkratryggður, nema annað leiði af milliríkjasamningum.
Í stað orðanna „eins árs“ í 4. mgr. komi: sex mánaða.
Við 34. gr. Í stað orðanna „ákvæði 35. og 39. gr.“ í 1. málsl. 1. mgr. komi: 35. og 39. gr. eða ákvæði sérlaga.
Við 38. gr. Í stað tölunnar „17“ í 1. mgr. komi: 16.
Við 40. gr. Við bætist ný málsgrein sem verði 3. mgr. og orðist svo:
Nú er sjúkratryggðum nauðsyn að leita sér lækninga þar sem hann er staddur erlendis í aðildarríki EES-samningsins og skulu þá sjúkratryggingar greiða kostnað af því samkvæmt reglum EES-samningsins á sviði almannatrygginga.
Við ákvæði til bráðabirgða.
2. málsl. 2. tölul. orðist svo: Skerðing bóta á starfstímabilinu fer eftir almennum skerðingarreglum á hverjum tíma.
3. mgr. 5. tölul. orðist svo:
Greiðslum skv. 5. tölul. skal ljúka 31. desember 1993.
Eftirfarandi greinafyrirsagnir bætist í frumvarpið:
Á undan 11. gr.: Ellilífeyrir.
Á undan 12. gr.: Örorkulífeyrir.
Á undan 13. gr.: Örorkustyrkur.
Á undan 14. gr.: Barnalífeyrir.
Á undan 15. gr.: Fæðingarstyrkur.
Á undan 16. gr.: Fæðingardagpeningar.
Á undan 17. gr.: Tekjutrygging.
