Ferill 175. máls. Aðrar útgáfur af skjalinu: Word Perfect.
122. löggjafarþing 1997–98.
Þskj. 866 – 175. mál.
Breytingartillögur
við frv. til vopnalaga.
Frá allsherjarnefnd.
1. Við 2. gr. Í stað orðanna „og gasvopn“ í e-lið 1. mgr. komi: gasvopn og táragasefni.
2. Við 3. gr. Í stað orðanna „eða fangelsa“ í fyrri málslið 1. mgr. komi: fangelsa eða erlendra lögreglumanna eða öryggisvarða sem starfa undir stjórn lögreglu.
3. Við 5. gr.
a. Á eftir orðunum „tegundir vopna“ í 6. mgr. komi: eða hluta þeirra.
b. Við lokamálslið 8. mgr. bætist: og um prófun þeirra, merkingar og gæðaeftirlit.
4. Við 13. gr.
a. Við greinina bætist ný málsgrein, svohljóðandi:
Lögreglustjóri getur veitt manni búsettum erlendis tímabundið leyfi fyrir skotvopni, enda fullnægi viðkomandi skilyrðum 1. mgr. Ráðherra setur í reglugerð nánari ákvæði um tímabundið skotvopnaleyfi.
b. Við síðari málslið 3. mgr. bætist: og próf.
5. Við 16. gr. Við síðari málslið greinarinnar bætist: enda verði skotvopn gert óvirkt.
6. Við 20. gr. Í stað orðanna „ber á sér“ í 1. málsl. 1. mgr. komi: fer með.
7. Við 21. gr. Við 1. mgr. bætist tveir nýir málsliðir, svohljóðandi: Við burð og flutning á skotvopnum milli staða skulu þau vera óhlaðin og í umbúðum. Óheimilt er að bera þau á sér innanklæða.
8. Við 30. gr.Við síðari málslið 4. mgr. bætist: og táragasvopn.
9. Við 34. gr. Við 4. mgr. bætist nýr málsliður er orðist svo: Sama á við um önnur vopn samkvæmt lögum þessum.
10. Við 37. gr. bætist ný málsgrein er orðist svo:
Ríkislögreglustjóri ákvarðar hvernig geymslu og ráðstöfun þeirra vopna er háttað sem haldlögð eru vegna afturköllunar leyfis eða gerð eru upptæk samkvæmt kafla þess
11. Við 40. gr. Í stað orðanna „1. janúar 1998“ í fyrri málslið komi: 1. september 1998.
