Ferill 36. máls. Aðrar útgáfur af skjalinu: Word Perfect.
123. löggjafarþing 1998–99.
Þskj. 236 — 36. mál.
Svar
fjármálaráðherra við fyrirspurn Jóhönnu Sigurðardóttur um framkvæmd fjármagnstekjuskatts.
1. Hve miklar voru heildartekjur ríkissjóðs af fjármagnstekjuskatti við álagningu skatta árið 1998 (tekjuárið 1997) og hvernig skiptist hann milli bankainnstæðna, verðbréfa, arðs, útistandandi skulda og annarra vaxtatekna?
Við álagningu skatta á einstaklinga árið 1998 vegna tekna á árinu 1997 var álagður fjármagnstekjuskattur 1.401 m.kr. Persónuafsláttur, sem nýttist á móti fjármagnstekjuskatti, var 85 m.kr. þannig að tekjur ríkissjóðs af skattinum voru 1.315 m.kr.
Fjármagnstekjuskattur er lagður í einu lagi á allar skattskyldar tekjur og er álagningin því ekki sundurliðuð eftir tekjutegundum. Með hliðsjón af fjárhæð þeirra tekna sem fjármagnstekjuskattur er lagður á, og með því að gera ráð fyrir sömu nýtingu persónuafsláttar gagnvart öllum tekjutegundum, má áætla að skattur af einstökum tegundum fjármagnstekna hafi verið þessi, í m.kr.:
|
Arður og vextir af stofnsjóðsinneign
|
397 |
|
Söluhagnaður af hlutabréfum
|
318 |
|
Annar söluhagnaður
|
40 |
|
Vextir af bankainnstæðum
|
286 |
|
Vextir af eignarskattsfrjálsum verðbréfum
|
42 |
|
Vextir af öðrum verðbréfum og útistandandi skuldum
|
101 |
|
Leigutekjur
|
14 |
|
Samtals
|
1.315 |
2. Hve miklar vaxtatekjur voru taldar fram á skattframtölum við álagningu skatta sundurliðað eftir árunum 1996, 1997 og 1998 (tekjuárin 1995, 1996 og 1997) og hvernig skiptust þær eftir verðbréfum og inneignum hjá innlánsstofnunum?
Á framtölum árin 1996, 1997 og 1998 voru framtaldar vaxtatekjur sem hér segir (m.kr.):
| Tekjuár: | 1995 | 1996 | 1997 |
|
Vextir af bankainnstæðum
|
1.680 | 2.146 | 3.037 |
|
Vextir af eignarskattsfrjálsum verðbréfum
|
642 | 1.070 | 424 |
| Vextir af öðrum verðbréfum og
útistandandi skuldum
|
1.145 |
1.243 |
1.010 |
|
Samtals
|
3.467 | 4.459 | 4.471 |
3. Hve mikill var hagnaður af sölu hlutabréfa samkvæmt álagningu skatta árin 1996, 1997 og 1998 (tekjuárin 1995, 1996 og 1997)?
4. Hve mikið af söluhagnaði hlutabréfa var skattlagt á sama hátt og aðrar tekjur, þ.e. um 40% skatthlutfall, og hve mikið með 10% fjármagnstekjuskatti?
Hagnaður einstaklinga af sölu hlutabréfa á árunum 1996 og 1997 samkvæmt framtölum og skipting hans eftir skattskyldu var sem hér segir (m.kr.):
| Tekjuár: | 1996 | 1997 |
|
Skattskyldur sem fjármagnstekjur
|
962 | 3.383 |
|
Skattskyldur sem aðrar tekjur
|
31 | 259 |
|
Samtals
|
993 | 3.642 |
Í upplýsingum úr framtölum fyrir árið 1995 var ekki greint á milli söluhagnaðar af hlutabréfum og annars söluhagnaðar. Framtalinn söluhagnaður það ár var alls 493 m.kr.
5. Hve hár var arður af hlutabréfum og skattlagning hans við álagningu skatta árið 1997 annars vegar og árið 1998 hins vegar (tekjuárin 1996 og 1997)?
6. Hverjar hefðu skatttekjur ríkissjóðs orðið af arði af hlutabréfum við álagningu skatta fyrir árið 1998 (tekjuárið 1997) ef skatthlutfallið hefði verið það sama og fyrir upptöku fjármagnstekjuskatts?
Arður einstaklinga af hlutabréfum og stofnsjóðsinneign árið 1996 var 1.399 m.kr. og 4.224 m.kr. árið 1997 samkvæmt framtölum fyrir þau ár. Þar sem skattur er ekki lagður á einstakar tekjutegundir verður að áætla skatt af þeim. Í eftirfarandi töflu er lagt mat á hver skattur af arði var við álagningu á árunum 1997 og 1998 og hver hann hefði orðið á síðara árinu að óbreyttum skattlagningarreglum.
| Tekjuár: |
1995 |
1996 |
1997, áætlað samkvæmt eldri reglum |
|
Arður samkvæmt framtölum
|
1.399 m.kr. | 4.224 m.kr. | 4.224 m.kr. |
|
— frádráttarbær arður
|
657 m.kr. | – | 1.689 m.kr. |
|
Skattstofn
|
715 m.kr. | 3.964 m.kr. | 2.436 m.kr. |
|
Skatthlutfall
|
40 % | 10 % | 40 % |
|
Skattur
|
286 m.kr. | 396 m.kr. | 974 m.kr. |
Frádráttarbær arður er takmarkaður við 10% af nafnverði og tiltekna fjárhæð og lækkar því sem hlutfall af arðgreiðslum þegar þær hækka. Frádráttarbær arður var 53% af greiddum arði 1995 og 47% árið 1996 og er hér gert ráð fyrir að hann hefði að óbreyttum reglum orðið 40% á árinu 1998. Enn fremur er gert ráð fyrir að hluti af greiddum arði sé hjá þeim sem eru neðan skattleysismarka. Er í því efni miðað við upplýsingar úr framtölum 1995 um dreifingu á arði með hliðsjón af heildartekjum og nýtingu á persónuafslætti á móti fjármagnstekjum við álagningu 1998.
