Ferill 1100. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1637 — 1100. mál.
Fyrirspurn
til heilbrigðisráðherra um starfsemi afeitrunardeildar fyrir ólögráða ungmenni á Landspítala.
Frá Sigmari Guðmundssyni.
1. Hversu mikið fjármagn er eyrnamerkt fyrir afeitrunardeild fyrir ólögráða ungmenni, 33D, sem er sérhæfð fíknigeðdeild í húsi geðþjónustu Landspítala á Hringbraut?
2. Hversu mörg stöðugildi eru í deildinni og hversu margar vinnustundir voru skráðar á hana síðastliðið ár?
3. Hversu margar innlagnir hafa verið á deildina síðastliðið ár og hversu margar þeirra voru í þeim tilgangi að afeitra einstaklinga?
4. Hver er meðaltími innlagnar vegna afeitrunar á deildina?
5. Í hvaða formi er stuðningur og ráðgjöf til ungmenna sem leggjast inn á deildina?
6. Hvaða úrræði taka við eftir að afeitrun hefur farið fram á deildinni?
Skriflegt svar óskast.
